حجام سوق البلاط : في مهب الأهواء
الوصف:
في حانوت حجام بسوق البلاط تعلم الصبي مصطفى الكلام والحجامة في رؤوس اليتامى، بعدما تسكع طويلا في الأزقة وفي الدّروب وخالط المنحرفين والمعدمين مثله من صبية ومن غلاظ الفتيان، ولكي لا يموت جوعا التقط أعقاب السجائر من أمام حانات باب البحر ليبيعها إلى السكارى، حتى نقلته يد الأقدار من بؤر المدينة إلى سرايا باردو حيث رفعة المقام التي حوّلته إلى مرتبة غلام فسحر الصادق باي بطلعته البهية وبمعسول الكلام وبما أغدق عليه من فنون الإغراء والغواية حتى صار حظيّه المحبوب وسمعه وعينه على كل السرايا وبذلك ركب على الرؤوس والأكتاف مستعملا فنون المراوغة والكذب والالتفاف، متدرجا من دنيا الوضاعة إلى دنيا الكياسة والسياسة.
- المؤلف: حسنين بن عمو
- الناشر: دار نقوش عربية للنشر
- اللغة: Arabe
- عدد الصفحات: 508
- تاريخ الصدور: 2020
مازلت كيف كملت الجزء الأول من رواية الكاتب الكبير و المبدع العزيز على قلبي حسنين بن عمّو “حجام سوق البلاط في مهب الأهواء” و كيف العادة و العوايد كتابات سي حسنين تأسرك و تخليك تعيش مع الاحداث و تتخيل روحك في وسطهم و المرة هذه بدات الرواية في آخر شهر من عام 1861 بش تحكيلنا على مصطفى بن اسماعيل وقت كان طفل صغير صانع حجام في سوق البلاط خالط المنحرفين و المعدمين إلّي كيفو عاش الفقر و التشرد في زناقي المدينة و بين حانات باب بحر وين كان يلّم أعقاب السجائر و يبيعم حتى نهار زهرت معاه وقت مشى بش يتفرج في موكب الباي و فماش ما يخلط على حويجة و بعد برشا أحداث في الوسط يتبدل المصير متاعو 180 درجة
Maha Ben Turkia
احداث الرواية كان أغلبها حول مصطفى بن اسماعيل لكن زادة ذكرت العديد من الشخصيات المهمة كيف مصطفى خزنادار و خير الدين باشا و الصادق باي و عديد الشخصيات الأخرى كيف لوجيا موصلي و القنصل الفرانساوي روسطان الي كانوا مقربين لابن اسماعيل.
مصطفى بن اسماعيل دخل لسرايا باردو وين بدأ المقام متاعو يرتفع لحد وين ولّى غلام الباي و المحضي متاعو.. تسحر بيه الصادق باي و بالكلام المعسول و الاغراء الّي كان سي مصطفى بن اسماعيل ما ينجمو حد فيهم لين الباي ماعادش ينجم يستغنى عليه صبح عينو و وذنو في القصر عمل المستحيل بش يتخلص من مصطفى خزنادار بعد ما فضحو عند الباي و كشف السرقات و العمايل متاعو من بعد لقى خير الدين باشا واقفلوا في الثنية و موش مخليه يعمل الي يحب كيف كيف كمل نحاه من الوزارة و كان في كل مرة يستعمل أساليب المراوغة و الكذب و في الاخر شد هو الوزير الاكبر للإيالة التونسية بمساعدة القنصل الفرانساوي هنا وفى الجزء الأول فين يحاول روسطان يخلي مصطفى يقنع الباي بالدخول تحت نظام الحماية الفرنسية.
الكتاب أحداثو محزنة خاصة كيف تشوف تصرفات الباي الّي كان السبب بش تونس توقع اتفاقية باردو و دخول المستعمر لتونس او كيف ما يحبوا برشا يسميوه بالحماية الفرنسية بما انو كان جاهل في السياسة و غارق في الملاذات و الفساد بطريقة مستفزة وقت الي الناس غارقين في الفقر و الخصاصة و البؤس بعد اخماد ثورة علي بن غذاهم وقتها تزيد تتأكد الّي مشكلة تونس مع حكامها من قبل موش من توا.. و كل ما تزيد تقرأ صفحات أخرى تزيد تقول ما أشبه الليلة بالبارحة و أحنا شعب لا يتعظ من الماضي و كيف ما قال أحمد بن أبي الضياف “من علامات سقوط الدول، تدمير الأفاضل بتأمير الأراذل”
شكرا سي حسنين على الرواية العظيمة التي تعتبر كنزا حقيقيا في انتظار أنّي نكمل الجزء الثاني
رواية تأسرك منذ البداية, طفل صغير يذهب لرؤية موكب الباي فيتغير مصيره من صانع حجام إلى الوزير الأكبر.
Sameh Katfaoui
حجام سوق البلاط تميط اللثام عن أهم الأحداث التاريخية في تونس أواخر القرن التاسع عشر : ثورة علي بن غذاهم, الكومسيون المالي, وأهمها أن القارئ سيتعرف على جذور وأصول الحماية الفرنسية على تونس.
بأسلوب سلس لا يخلو من التشويق يأخذنا حسنين بن عمو لعالم القصور والجحور, عالم السياسة و”التبزنيس السياسي” هذا العالم الذي لا يخلو من الدسائس والمكائد والغاية تبرر الوسيلة.
حجام سوق البلاط ملحمة تروي حكاية وطن كان كالقصعة بين أكلتها, كلٌّ يريد أخذ نصيبه من “الكعكة” فكان المآل دخول المستعمر الغادر.
